Landratsamt Bad Tölz-WolfratshausenKÜNSTLERPORTALLEITPORTALARCHIVPORTAL
  • header_01
  • header_02
  • header_03
  • header_04
  • header_05
  • header_06
  • header_07
  • header_08
  • header_09

09.05.1358
Übereignung des Niclas-Badhaus

Chunrat, Kirchherr und Dechant zu Wolfratshausen, und zwei Kirchenpröbste von St. Nycolaws auf der Burg übereignen in Abstimmung mit dem Pfleger und den Gemeindebürgern von Wolfratshausen das Niclas-Badhaus mit Hofstatt und Garten dem Volreichen (= Ulrich) Vetlinger zu einem Ewiggeld von jährlich 75 Münchner Pfennigen – 09.05.1358

 

 

Übertragung des Originals (in einigen Fällen ist "v" als "u" zu lesen)  

 

Ich chunrat chirchherr vnd techant ze Wolfertshausen, vnd ich Chunrat fischer vnd ich Seybot Vaerber chirchprost sant Nycolaws auf d[er] Puerg ze Wolfertshausen v[er]lichen vnd tuon chunt offenlich mit dem brief allen den die in sehent hörent oder lesent Daz wir ze rat vnd uober ainchomen mit vnserm pfleg[er] h[er]rn Sweyg[er] von Gundolning vnd mit d[er] gemain d[er] purg[er] ze Wolferth[au]s[en] vmb sant Nyclas Padhaus Hoffstat vnd Gartten vnd waz dar zuo gehoert besuocht vnd vnbesuocht mit allen den Eren rechten diensten vnd nuotzen die dar zuo gehoerent vnd alle die recht die sant Nyclas dar auf hat haben wir gemacht geaygent vnd gegeben fuor ein rechtz ledigs Aygen dem erbern mann Volreichen (=Ulrich) dem Velting[er] Halbeigen sein Hausfrawen vnd allen iren Erben da von daz daz vorgenant Padhaus v[er]prunnen war. Vnd daz habent si her wid[er] gezimmert vnd gepawt mit irem Aygen guot wan sant Niclas als vil guot ze den zeithen nicht enhet da von wir ez gepawen mochten Ez ist auch mer getadingt daz d[er] vorgenant Volreich Velting[er] vnd alle sein Erben od[er] wer daz vorgenant Padhaus Hoffstat vnd Gartten vnd waz dar zuo gehoert inne hat. Jarleichen vnd ewichlichen alle iar geben suellen sant Nyclas auf der puerg von sein rechten fuenf vnd Sybenzich pfenning muench[ner] pfenning od[er] ie zwen guot haller (=Heller) fuer ainen pfennich ie auf sant martains tag vierzehen tag vor oder nach ob si dez nicht entrathen so gebennt si dem vorgenanten sant Nyclas ze pen fuenftzehn muenich[er] pfenning od[er] ie zwen guot haller fuer ainen pfennich. Vnd habent dann die chirchpröst die ieztunt sint od[er] noch moechten werden vollen gewalt ze pfenden vnd ze benoethen vmb den v[er]sezzen zins vnd pen an recht an richt[er] an schergen vnd als vmb ewigen gelt recht ist sant Nyclas vnd den chirchprösten an schaden. Ez sol auch sant Nyclas vnd die chirchpröst dhain entgeltnuzz haben an Zimm[er] an paw an fewr an wazz[er] an wint an faewl an Alt[er] vnd an allem gepresten. Ez ist auch mer getadingt daz man besund[er] padstuben in dem Margkt nicht anhaben sol. Ez sol auch der vorgenant Volr[eich] Veltinger halbeigen sein Hausfraw vnd all ir Erben alle die recht haben in dem holtz als sant Nyclas vnd daz vorgeschriben Padhaus von Alter her gehabt habent. Ze vrchunt geben wir in dem brief mit h[er]rn churant chirchh[er]r vund techant ze Wolferthausen Insigel. Vnd mit Vnserm lieben h[er]en vnd pfleg[er] h[er]n Sweykg[er]n von Gundel(f)ing[en] Insigel in an schaden. Der tading sint zewg[en] chuonrat der Vorcher ze den zeiten Richter ze Wolferthausen, Haimreich Sayn, Haimreich Wetk[er], Chuonrat Saewnreich, Hainreich Taewbeck, Volreich Haemlgein, Hainr[eich] Stoechkhel, Hartmann Vederlein, Nyclas Saewnreich und and[er] erb[er] laeut genuoch daz ist gechehen nach christus gepurt Drewczehe hundert Jar dar nach in dem Acht vnd fuenfczigiste[n] Jar an dem Aufuert abent. -

 

(Zwei Siegel, zerbrochen)

Zurück zur vorherigen Seite

 
Zur Webseite der Gemeinde Bad Heilbrunn Zur Webseite der Stadt Bad Tölz Zur Webseite der Gemeinde Benediktbeuern Zur Webseite der Gemeinde Bichl
 
Zur Webseite der Gemeinde Dietramszell Zur Webseite der Gemeinde Egling Zur Webseite der Gemeinde Eurasburg Zur Webseite der Gemeinde Gaissach
 
Zur Webseite der Stadt Geretsried Zur Webseite der Gemeinde Greiling Zur Webseite der Gemeinde Icking Zur Webseite der Gemeinde Jachenau
 
Zur Webseite der Gemeinde Kochel am See Zur Webseite der Gemeinde Königsdorf Zur Webseite der Gemeinde Lenggries Zur Webseite der Gemeinde Münsing
 
Zur Webseite der Gemeinde Reichersbeuern Zur Webseite der Gemeinde Sachsenkam Zur Webseite der Gemeinde Schlehdorf Zur Webseite der Gemeinde Wackersberg
 
  Zur Webseite der Stadt Wolfratshausen