Landratsamt Bad Tölz-WolfratshausenKÜNSTLERPORTALLEITPORTALARCHIVPORTAL
  • header_01
  • header_02
  • header_03
  • header_04
  • header_05
  • header_06
  • header_07
  • header_08
  • header_09

06.11.1418
In dieser Urkunde werden in Bezug auf Wolfratshausen
erstmals "Rat" und eine Befestigung "Oberes Tor" genannt

Der Rat und die Bürger des Marktes Wolfratshausen übereignen dem Wagner Fridreich, seiner Hausfrau Haylweygner und all ihren Erben die Hofstatt außerhalb des oberen Tors, die der verstorbene Vollreych der Chürschner der Frühmess-Stiftung vermacht hat – Wolfratshausen, 06.11.1418

 

Übertragung des Originals (in einigen Fällen ist "v" als "u" zu lesen)  

 

Wir d[er] rat vnd die puerg[er] gemainleich dez marcktz zuo Wollf[er]tshawsen bechennen offenl[ich] mit disem p[ri]ef fuer vns vnd für all vnser nach chommen vnd tuon chunt allen den die in an sehet od[er] hörent lesen daz wir mit v[er]dachtem muot vnd mit guotem willen vnd mit rat erberg[er] (=ehrbarer) lawt recht vnd redleych v[er]lichen vnd gelazzen haben zuo einem rechten leypgeding vnd inleypgedings weyz die hofstat außer halbe dez obern towrs die Vollreych d[er] Chürschn[er] dem got genädig sey geordent vnd geschaft hat zuo der Säligen frümezz der Erbergen mann fridreych dem wagner vnd haylweygner seiner hawsfrawen vnd allen iren leyplichen erben die sy yetzund hebent oder nachhin für genommen mit der beschaydenheyt vnd mit geding daz si ein haws dar auf paewen suollen nach irer v[er]mugen vnd suollen der vor[gedachten] frümezz da von dienen vnd gelten jarleychen auf einen yegleychen sand Marteims tag od[er] hin nach In den nächsten vierzehen tagen vnu[er]czogenleich fün[f]czig Münch[ner] phenninge oder die münczz die do für geng vnd gäb ist Täten sy diz nicht so habent die v[er]sorger der vor[gedachten] frümezz die yetzo sind oder fürbaz werdent volle gewalt sy darumb ze benotten vnd ze phennden an gericht vnd gerichtz pot allz man vmb der heyligen gult vnd zinns pilleich tuot mer ist geret worden ob daz wär daz sy daz obg[enannt] haws auf der vor[gedachten] hofstat hin wollten gewen od[er] muossten so süllen sy ez die vor[gedachten] frümezz vnd ir versorger an pieten vnd ze chauffen geben vor mänichleych nach erberg[er] lawt rat wazz zuo payden taylen vier erberg man erchennet vnd sprechet wär aber daz die vor[gedachten] frümezz daz vor[gedachten] haws nicht chauffen welt So mügent sy ez wel ander läwten geben nach rat der purger mer ist geret worden wenn die leyb vnd erben von todes wegen an gent vnd nimm[er] sind oder ob sy daz haws vor hin muossten ver[ch]auffen oder an werden wer dann daz vorg[edachte]n haws vnd hofstat inn hat der sol hin für der vor[gedachten] frümezz da vor dienen vnd geben all jar iärleichen auf den vor[gedachten] sand Martems Sechczig münnch[ner] dn (denar=pfennig) mer ist gesprochen worden wenn die leyb vnd erben von Todes wegen ab gent vnd nimmer sind so mügen ez ander ir erben vnd frewnt wol haben vmb den benanten zünns allz her nach geschriben stet daz in daz allez stät wär vnd vnzeprochen beleyb geben wir obg[edachter) der rat vnd die p[urger] gemaichleich in vnd allen iren erben den offen p[ri]ef mit vnserm dez marckz zuo wollferthawsen Aygnem anhangendem Insigel datum anno d[omini] m° c°c°c°c° et XVIII domi[ni]ca ante festtu[m] Martini

 

 

Auf der Rückseite der Urkunde:

 

Daz ist ein abgeschrift dez Wagners [ergänzt: leib] prief den er hat von der frümezz vnt[er] dez Marcktz Insigel vmb die hofstat vor dem obern Towr

Zurück zur vorherigen Seite

 
Zur Webseite der Gemeinde Bad Heilbrunn Zur Webseite der Stadt Bad Tölz Zur Webseite der Gemeinde Benediktbeuern Zur Webseite der Gemeinde Bichl
 
Zur Webseite der Gemeinde Dietramszell Zur Webseite der Gemeinde Egling Zur Webseite der Gemeinde Eurasburg Zur Webseite der Gemeinde Gaissach
 
Zur Webseite der Stadt Geretsried Zur Webseite der Gemeinde Greiling Zur Webseite der Gemeinde Icking Zur Webseite der Gemeinde Jachenau
 
Zur Webseite der Gemeinde Kochel am See Zur Webseite der Gemeinde Königsdorf Zur Webseite der Gemeinde Lenggries Zur Webseite der Gemeinde Münsing
 
Zur Webseite der Gemeinde Reichersbeuern Zur Webseite der Gemeinde Sachsenkam Zur Webseite der Gemeinde Schlehdorf Zur Webseite der Gemeinde Wackersberg
 
  Zur Webseite der Stadt Wolfratshausen